Shefja e Departamentit të Sëmundjeve Infektive në Institutin e Shëndetit Publik Silva Bino në një intervistë të dhënë për ABC këtë të martë ka dhënë detaje në lidhje me dy vaksinat e fundit anti Covid me të cilat ka marrëveshje vendi jonë.
Bino është shprehur se është e rëndësishme që në këtë fazë të ketë sa më shumë vaksina dhe që kanë efekt në uljen e vdekshmërisë dhe të shtrimeve në spital.
Sipas saj vaksina kineze i ka dhënë provat në disa vende për efekshmërinë që ka në popullatë.
“Kjo vaksinë i ka filluar provat e fazës së tretë që në korrik të 2020 në Kinë, ka filluar po ashtu në Brazil, Turqi, Kili të cilat kanë vlerësuar dhe efikasitetin ndaj sëmundjes me 50.6 % dhe shkonte 100 % te rastet më të rënda dhe 83% për rastet që kërkonin hospitalizim. Qëllimi i vaksinave është ulja e vdekshmërisë dhe i shtrimeve në spitale. Kjo nuk ka lidhje me efikasitetin por një gjë e tillë lidhet dhe me parandalimin e përhapjes.
Kjo është një vaksinë e përdorur nga Turqia, Tajlanda, Filipinet, Kili, Meksika, Kina Brazili, Azerbajxhani dhe vendet aziatike.
Për të qenë të sigurtë për përdorimin në popullatë ne kemi të dhëna nga Turqia dhe ajo që është e rëndësishme është s ene jemi në garë me kohën në lidhje me vaksinimin. Për këtë ne duhet të jemi të sigurtë për vaksinën, dhe duke kaluar fazën e parë dhe të dytë kjo është një vaksinë që ka të dhëna të mira për përdorim.
Gjithashtu ne duhet të jemi të përgatitur për çdo efekt anësor që mund të japë. E rëndësishme është që vaksinat të ndihmojnë në imunizimin e popullatës sonë. AstraZeneca është një vaksinë vektoriale, Sputnik V që dallon se ka dy lloj vaksinash dhe po marrim një vaksinë me virus të imunizuar”, ka thënë Bino..
Sipas saj Sputnik V është një vaksinë që përdoret me dy doza dhe duhet të bëhet kujdes që të mos injektohet tek disa kategori qytetarësh siç janë ato që kanë bërë kortizon së fundmi, apo tek nënat shtatzëna.
Ndërsa për vaksinën kineze ka theksuar se është e përdorshme më shumë tek moshat e reja.
“Ne po bëjmë një program vaksinimi që nuk e kemi bërë asnjëherë. Ajo që është e rëndësishme për të katër këto vaksina janë se ato janë të efektshme në uljen e vdekshmërisë dhe uljen e numrit të të infektuarve dhe të shtrimeve në spitale. Përsa i përket transmetueshmëri nga ne në një tjetër mbetet për tu parë. Eshë Sputnik është një vaksinë që ruhet në kushte ngrirëse deri në -18 gradë dhe qëndron dy orë në temperaturën e mjedisit.
Sputnik V është me dy doza injektimi dhe kryhet brenda 21 ditëve dhe ka disa përjashtime si personat që kanë përdorur kortizonik, gratë shtatzëna. Ndërsa vaksina Sinovak përdoret te moshat me të reja”, ka thënë Bino.
