Analisti Mentor Nazarko, gjatë diskutimeve në emisionin ‘Çim Peka LIVE’, është shprehur edhe për reagimin e fortë të djeshëm të ambasadores së SHBA në Tiranë, Yuri Kim, kundër Tom Doshit dhe një mesazh për Edi Ramën se pse nuk flet.
Sipas Nazarkos, ky është një përshkallëzim i presionit të SHBA-së ndaj PS-së.
‘Unë e quaj përshkallëzim të presionit amerikan ndaj PS-së.
Nga një moment që nuk është përmendur emri i zotërisë, pastaj shkoi në Shkodër, pastaj ka Twitter.
Mendoj se PS duhet të japë një përgjigje sepse nuk ka asnjë argument për të mos dhënë përgjigje.
Ju duhet të dilni dhe të thoni që nuk do ta kemi aleat dhe nuk na vjen mirë që është në atë listë’, tha analisti Mentor Nazarko.
