Gjykata, institucioni ku pritet të vendoset drejtësi, në Elbasan është kthyer në "pasarelë" sfilatash për TikTok. Kryetarja e gjykatës së Elbasanit Enkeleda Kapedani ka "harruar" krimin dhe shfaqet duke bërë ‘modelen’ në Tik Tok, duke e kthyer zyrën në një pasarelë.
Kryegjyqtarja e Elbasanit reagoi për mediat ku tha se ajo nuk ka me emrin e saj rrjet social "TikTok". Pas publikimit të këtyre videove, ILD përmes një njoftimi thotë se për magjistraten do të bëhet hetim disiplinor.
"Zyra e Inspektorit të Lartë të Drejtësisë u njoh me materialet filmike të shpërndara në media mbi magjistraten E. K, kryetare e Gjykatës Elbasan. Inspektori i Lartë i Drejtësisë Artur Metani ka urdhëruar nisjen e hetimit disiplinor ndaj magjistrates për rastin", thuhet në njoftimin e ILD.
Kodi etikës për gjyqtarë shkruan se duhet të kenë "sjellje të hijshme dhe vetë përmbajtje". Ky kod sjelljeje mbikëqyret nga vetë kryegjyqtarja e cila është e para që nuk e ka zbatuar atë. Siç duket edhe nga dokumentat e mëposhtme nen të tëra janë shkeluar nga kryegjyqtarja e Elbasani Enkeleda Kapedani.
