Policia e Elbasanit ka vënë në pranga një 44-vjeçar, nën akuzën e “ndërtimit pa leje”. Bëhet fjalë për shtetasin me iniciale S.LL., banues në fshatin Bradashesh, i cili është konstatuar duke ndërtuar pa leje.
Ndërsa gjatë kontrollit ka ushtruar dhunë fizike edhe ndaj një punonjësi të policisë bashkiake.
“Specialistët për Hetimin e Krimit në Komisariatin e Policisë Elbasan arrestuan në flagrancë shtetasin: S. Ll., 44 vjeç, banues në fshatin Bradashesh, Elbasan, pasi është konstatuar duke kryer ndërtim pa leje e organeve përkatëse.
Gjithashtu ky shtetas ka ushtruar dhunë fizike ndaj punonjësit të Policisë Bashkiake Elbasan, shtetasit P. Gj. Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme”, njofton policia.
