Prej më shumë se 24 orësh flakët vazhdojnë të djegin pisha dhe shkurre në Majën e Jankës, të Njësinë Administrative të Vithkuqit në Korçë.
Aktualisht nga flakët janë shkrumbuar 2 hektarë pyje dhe shkurre dhe janë të rrezikuara 15 hektarë të tjerë.
Për shkak të terrenit të vështirë dhe intensitetit të zjarrit, ende nuk është bërë e mundur vënia nën kontroll e zjarrit.
Përveç banorëve, të cilët kanë ndihmuar në shuarjen e flakëve, në vendngjarje kanë shkuar edhe punëtorët e shërbimeve të njësive administrative të Vithkuqit, Mollajt dhe Drenovës e po ashtu trupat e Mbrojtjes Civile të Korçës.
Pak ditë më parë u përfshi nga flakët edhe Mali i Tomorit.
Mbi 30 hektarë tokë u shkrumbuan duke sjellë kështu një dëm të madh mjedisor, pasi zona ku ka rënë zjarri është e pasur me pemë të larta dhe kafshë.