Ish-Ministri i Financave, Arben Malaj e ka konsideruar kapjen e shtetit si kërcënim për demokracinë e vendit. I ftuar në rubrikën “Opinion”, Malaj tha se qeveria aktuale është e babëzitur, arrogante, e korruptuar dhe këtë sipas tij e tregojnë edhe shifrat.
“Kapja e shtetit është shumë kërcënuese pasi cënon demokracinë dhe shoqërohet me pushtet absolut. Qeverisja është e babëzitur, janë arrogantë sepse nuk dëgjojnë më, është e korruptuar sepse janë shifrat që e tregojnë. Nuk janë gjëra të vogla, BE e kupton se në Shqipëri është përkeqësuar demokracia”-tha Malaj
I pyetur nëse rrezikon ekonominë kjo kapje e sistemit, Malaj bëri një krahasim me qeverisjen e ish-kryeministrit Berisha me firmat piramidale ndërkohë që vuri në pikëpyetje mandatin e tretë tashmë të fituar nga Edi Rama. Malaj shtoi se në Shqipëri është toleruar shumë paraja kriminale duke kriminalizuar edhe sistemin e ekonomisë.
“Më lejoni të bëj një karahasim mes Berishës që ka shumë gjynahe në shtetin depresiv që krijoi dhe Ramës që kërkon mandatin e tretë. Edhe Berisha u zgjodh president, por dha doreheqje. Është shumë shpejt për të folur pë mandat të tretë. Në Shqipëri është toleruar shumë paraja kriminale, u kriminalizua ekonomia. Tolerimi i kësaj paraje kriminale në një mandat të tretë është njesoj si veprimi i Berishës me firmat priramidale”-shtoi Malaj.
