Drejtuesi politik i demokratëve për qarkun e Lezhës, Mark Marku është shprehur pro drejtimit të PD-së nga Lulzim Basha, ndërsa shtoi se beson te njerëzit që kanë gabuar.
I ftuar në emisionin ‘Kjo javë’ Marku tha se është kundër thirrjes ‘Rama ik!’, pasi tregon një mentalitet humbës.
Sipas tij një kryeministër nuk mund të largohet, por një parti mund të bëjë të mundur që ai të largohet.
“E kam mbështetur Bashën në momentin e zgjedhjeve. Në situatën që ishte PD, rreziku i parë ishte që Basha, mes atyre kandidaturat e tjera nuk kishin ofertë, alternativë. Besoj te njerëzit që kanë gabuar. Ata që janë inteligjent, mësojnë nga gabimet. Jam kundër mentalitetit në Shqipëri këtu thonë se; ky e ka mbaruar ciklin e vetë. Përvojën e kanë favor. Ajo që është në disfavor me konsumin, përkthehen në favor. Nëse ti humb qarkun….Se di nëse unë do kisha humbur qarkun e parë, s’do e kisha marrë mandatin. Dy ishin momentet kur e testova që Basha po bënte të njëjtat gjëra që e kishin çuar në zgjedhjet e para. Zgjedhja e tij, se gjatë fushatës nuk paraqiti asgjë dhe kongresi. Pse duhet të mblidhet kongresi për të zgjeruar kryesinë.
Pra një kongres i jashtëzakonshëm për gjëra të rëndomta. Kam propozuar dy gjëra. Një platformë me disa pika. Që ky kongres që ishte zëro, duhet të bëhej nga një komision apo dhe kryesimi i partisë të ndahej nga procedura për rithemelimin e partisë. Të bëhet një analizë. S’mund të nisemi nga analiza për të përmirësuar veten apo duke analizuar kundërshtarin. S’e përcaktojmë ne kundërshtarin. Duhet ta heqim atë; Rama ik! Rama nuk ikën me shprehje! Edhe një shprehje që; ne nuk kemi zgjedhje të lira po nuk iku Rama. S’mund të kërkosh që të ikë ai që ke kundërshtar. Është mentalitet humbës. Jo mo jo, ‘nuk do ikësh?! Ty të heq unë.’”, pohoi ai.
