Ka mbërritur në vendin tonë një tjetër sasi vaksinash kundër koronavirusit. Ministrja e Shëndetësisë Ogerta Manastirliu dhe kryeministri Edi Rama bëjnë të ditur se në aeroportin “Nënë Tereza” sapo kanë mbërritur edhe 56,160 vaksina Pfizer.
Kështu, në total, numri i vaksinave të ardhura në vend që nga fillimi i procesit të vaksinimit shkon në 1,755,570.
Ministrja fton qytetarët që të shfrytëzojnë muajin e hapur të vaksinimit masiv. Deri më tani janë kryer 1,2 milionë vaksinime.
POSTIMI NË FACEBOOK
Edhe 56,160 vaksina Pfizer i shtohen sasisë së vaksinave AntiCovid duke e çuar në 1,755,570 numrin e vaksinave të mbërritura në Shqipëri.
Një ftesë për çdo qytetar për të shfrytëzuar muajin e hapur të vaksinimit masiv: Vaksinohuni sa më parë në qendrën tuaj shëndetësore ose në pikën më të afërt të vaksinimit.
Mbroni shëndetin dhe jetën
***1,248,205 vaksinime të kryera deri tani
