Ish-sekretari i Përgjithshëm Arben Ristani ka folur mbi shkeljet flagrante të statutit të PD dhe deklaratat e pavërteta të Sekretarit të Përgjithshëm Gazment Bardhit për shkeljet nga ana e organizatorëve të ‘Foltores’.
Në një emision televiziv, Ristani ka shpjeguar se statuti i regjistruar në gjykatë është ai i vitit 2018 dhe jo statuti i fundit i vitit 2021.
Pjesë nga intervista:
A ekziston një zyrë protokolli në PD?
Ristani: Së pari e ndoqa dhe vura re se i pyetur se cilin nen të statutit kanë shkelur dorëzuesit e firmave të 4200 delegatëve të Kuvendi Kombëtar, nuk iu përgjigj duke iu referuar statutit, pasi nuk mund të përgjigjej sepse nuk ka një nen në statut që përcakton një procedurë se ku dorëzohen firmat e ¼ të delegatëve të Kuvendit.
Së dyti iu referua një rregullore të dalë në bazë të statutit të dalë në 2005, ku që atëherë PD e ka ndryshuar disa herë statutin, duke e ndryshuar në mënyrë të qenësishme dispozitat e këtij statuti, mjafton t’iu përmend se në statutin e asaj kohe, kryetarin e zgjidhnim me përfaqësim dhe jo një anëtar një votë si zgjidhet sot.
Parimi është se kur bien ligjet bien edhe aktet nënligjore në bazë dhe për zbatim të tyre. Duhet që statuti që është në fuqi të shoqërohej edhe me aktet nënligjore të tij, ose tu jepej vlerë rregulloreve që kanë pasur por mbi bazën e një akti të shprehur me një vendim të shprehur.
E gjitha kjo është një sorollatje për të justifikuar veprimtarinë anti-statutore që po kryet. Mjafton tju theksoi se doli edhe në këtë intervistë të Bardhit, që ata kanë regjistruar sot, ditët e fundit në gjykatë statutin e 2018 dhe jo statutin e 2021. Partitë politike janë institucione publike që detyrohen me ligj që në gjykatë të regjistrohet statuti dhe ndryshimet e tyre. Nuk lihet në dorë të përfaqësuesit të partisë se cilin ndryshim duhet të çohet në gjykatë. Çdo konflikt që mund të ndodhi duhet ti referohesh statutit që është regjistruar në gjykatë.
Statuti i 2018 e ka PD me dy nënkryetarë, statuti i 2021 e ka me 4 nënkryetar. Kjo do të thotë se në kryesinë e PD marin pjesë 4 persona dhe jo aq sa thotë statuti 2.
Statuti i 2018 e ka me 4 sekretarë, në statutin e 2021 Basha e ka të palimituar numrin e tyre. Duke e çuar në 60 % pjesën eksoficio të kryesisë, në krahasim me pjesën e zgjedhur me votë për të qenë në kryesinë e PD. E gjitha kjo për të manipuluar kryesinë e PD, dhe për të qenë njerëz të emëruar nga kryetari dhe jo të zgjedhur nga demokratët.
Zoti Sekretar i Përgjithshëm është i zgjedhur në kundërshtim me statutin. Zgjedhja e Sekretarit të Përgjithshëm dhe sekretarëve funksional zgjidhen me votim të fshehtë dhe pik pa lënë vend për interpretim. Nëse nuk zgjidhet me votim të fshehtë, do të thotë se është zgjedhur në mënyrë anti-statutore. Për të gjitha këto shkelje të statutit dhe të tjera më shumë, është kërkuar mbledhja e Kuvendit në 11 dhjetor për të shqyrtuar këtë veprimtari anti-statutore dhe partia të kthehet në shinat e statutit.
Pse nuk i dorëzuat firmat te Nina?
Ristani: Në PD nuk ka një zyrë të mirëfilltë protokolli, por sekretarja e kryetarja funksionon edhe si zyrë protokolli.
Zonja Nina është një zonjë që rri si recepsioniste te dera e hollit. Edhe kjo është një mashtrim publik. Zyrë protokolli dhe punonjëse protokolli është sekretarja e Bashës.
