Një plagosje e dyshuar me armë zjarri silenciator është regjistruar pak minuta më parë në qendër të qytetit të Shkodrës.
Burime për Top Channel konfirmojnë se i plagosur ka mbetur një person i cili është dërguar në spitalin rajonal të Shkodrës ku i është nënshtruar ndihmës mjekësore.
Ngjarja ka ndodhur pranë zonës së njohur si lulishtja e Universitetit ku autori ka shfrytëzuar errësirën për të qëlluar ndaj shënjestrës dhe më pas është arratisur nga vendngjarja.
Sikurse shihet edhe nga pamjet policia ka shkuar në vendin e ngjarjes dhe është duke punuar për zbardhjen e plotë të rrethanave të ngjarjes.