Avokat Spartak Ngjela ka dalë me një reagim të ashpër në rrjetet sociale për konferencën që mbajti sot kryeministri Edi Rama për skandalin e publikimit të të dhënave të pagave të mijëra qytetarëve.
Ngjela shkruan se shteti shqiptar ka rënë dhe Edi Rama duhet të jap dorëheqjen nga posti i kryeministrit.
Postimi i plotë:
Sapo dëgjova konferencën e shtypit të kryeministrit të Shqipërinë.
Flet sikur të jetë një njeri i thjeshtë i popullit.
Nuk ka kuptuar asgjë. Sot atij i ka rënë shteti; sepse 650 mijë shqiptarë janë dhunuar në pikën më të dobët të ekzistencës së tyre.
Kryemistrit i ka rënë shteti; kurse ai bën një avokati vulgare, duke thënë se do të përmirësojë sistemin; dhe se kjo ka ndodhur kudo në vende të ndryshme të Perëndimit. Turp! Mbrojtje vulgare.
Duhet të japë dorëheqjen. Nuk ka siguruar jetën ekonomike të qytetarëve të tij; që është sekret i njohur me ligj.
Edi Rama, që nga sot nuk është më kryeministër i shqiptarëve të dhunuar.
Duhet të japë dorëheqjen.
Nën një dhunim të tillë që iu bë shqiptarëve masivisht, përgjegjësi është shefi i qeverisë me të gjithë qeverinë.
Vlera e një kryeministri është garantimi i jetës shoqërore të shqiptarëve. Mosgarantizmi i kësaj jete është krim.
Kurse kryministri flet sikur nuk ka qenë kryeministri i këtij vendi.
Zoti kryeministër! Qenia kryeministër nuk është privilegj, por është përgjegjësi!
