“Omicron” duket se po shton të infektuarit dhe në Shqipëri. Pas tre javësh rënie të të prekurve me Covid, në fundin e dhjetorit nisi rritja e numrit të tyre.
Nga data 28 e muajit të shkuar deri më 3 janar në të gjithë vendin u zbuluan 2800 persona pozitiv.
Për një javë të prekurit aktiv në të gjithë vendin arritën në 6601 vetë. Mbi 1300 më tepër.
Më shumë të infektuar sipas Ministrisë së Shëndetësisë u gjetën më 31 dhjetor, kur nga 4485 testime të kryera 708 persona rezultuan të prekur.
Të shtruarit në spital gjithashtu kanë pësuar rritje. Aktualisht po trajtohen 12 pacientë më shumë se një javë më parë, por dy më pak në terapi intensive se fundin e dhjetorit.
Ndërkohë në një javë Covid 19 shënoi 21 humbje jete. Numri më I lartë I viktimave u regjistrua më 28 dhe 29 dhjetor.
Muaji I fundit I vitit të shkuar shënoi nivelin më të ulët të humbjeve të jetëve përgjatë katër muajve me 117 viktima.
TË INFEKTUAR AKTIV
28 dhjetor 5262 persona
3 janar 6601 persona
SITUATA NË SPITALE
28 dhjetor 98 të shtruar 17 në terapi intensive
3 janar 110 të shtruar 15 në terapi intensive
HUMBJE JETE
28 dhjetor 6 persona
29 dhjetor 5 persona
30 dhjetor 3 persona
31 dhjetor 2 persona
1 janar 1 person
2 janar 2 persona
3 janar 2 persona
