Analisti Andi Bushati ka “shpërthyer” ashpër ndaj Lulzim Bashës. Në një intervistë televizive, Bushati u shpreh se Basha e shpëtoi kokën e tij falë Edi Ramës, ndërsa ka shtuar se kryetari i shkarkuar i PD ka detyrim të shpjegojë refrenin që përsërit prej 6 viteve për Policinë e Shtetit.
Sipas tij, policia është sjellë në protestën e 8 janarit njësoj si në ccdo protestë tjetër, por tashmë që ishte në favor të Bashës ai mbylli gojën dhe i përgëzon.
“E shpëtoi kokën falë Edi Ramës. Pasi shpëtove kokën, a kishe detyrim të shpjegoje refrenin që ke 6 vjet që e përdor, policia e sandër kimiku? Policia, me të drejtë i shpëtoi kokën, u soll njësoj si në ccdo protestë tjetër.
Basha në këtë moment mbylli sqepin dhe u bë njësh me policinë e Sandër Kimikut dhe Ardi Veliut. Kur policia rreh për llogarinë time, është e mirë, kur rreh për llogarinë e dikujt tjetër është e keqe, kjo është qesharake”, tha Bushati.
