Gjatë seancës plenare të kësaj të enjteje u mbajt një minutë heshtje në nderim të ndarjes nga jeta të eurodeputetit Eduard kukan.
Ishte fillimisht kreu i Grupit Parlamentar Socialist, Taulant Balla, ai i cili kërkoi nga kryetarja e Kuvendit, mbajtjen e një minutë heshtjeje për ndarjen nga jeta të eurodeputetit Eduart Kukan, të cilin e cilësoi si një mik të vyer të Shqipërisë dhe Kosovës.
“E nderuar zonja kryetare për procedurë, jemi njohur me ndarjen nga jeta të një miku të Shqipërisë, Eduard Kukan, i cili ka shërbyer si Ministër i Jashtëm i Sllovakisë për një farë kohe, më pas si i dërguar special i Kombeve të Bashkuara në Kosovë dhe më pas ai ka qenë bashkëkryetar i Stabilizimit Asocimit mes Shqipërisë dhe Bashkimit Evropian.
Mendos sipas rregullores, kur ta mendoni ju, kur salla të jetë plotë, të mbahet një minutë heshtje për këtë mik vyer të Shqipërisë, por dhe për rolin që ka patur në vitin 1999 pas konfliktit në Kosovë. Faleminaderit kur ta gjykoni ju të arsyeshme”, tha Balla.
Pas kërkesës së Taulant Ballës, kryetarja e Kuvendit Lindita Nikolla, vendosi që minuta e heshtjes të mbahej në orën 13:00, kur dhe salla e parlamentit të jetë plotë.
“Mendoj minutën e heshtjes ta mbajmë në orën 13:00”, tha Nikolla.
