Një bombul gazi ka shpërthyer në një banesë në fshatin Troshan të Lezhës ku për pasojë ka mbetur e plagosur një grua.
67-vjeçarja kishte ndezur sobën për të gatuar, por në atë moment bombula të cilën e kishte montuar një ditë më parë, ka shpërthyer.
Mësohet se në momentin e shpërthimit, gruaja ka qenë e vetme në shtëpi. Si pasoje e shpërthimi ka marrë plagë ne fytyrë dhe është dërguar me urgjencë drejt QSUT-së në Tiranë.
Kryefamiljari, Marku, ka treguar gjithçka se si ka ndodhur ngjarja. Çifti ishte kthyer para 2 ditësh nga SHBA-ja.
Rastet e shpërthimeve të këtij lloji nuk janë të pakta, një vit më parë katër anëtarë të një familje në Lezhë humbën jetën nga shpërthimi i bombulës.
