Kryeministri i Shqipërisë, Edi Rama, ka shkuar për vizitë në Gjykatën Ndërkombëtare të Drejtësisë, ku është pritur nga nënkryetari i kësaj gjykate, Kirill Gevorgian.
Ne institucionin që e kishte legjitimuar pavarësinë e Kosovës, Rama qëlloi të shkojë pikërisht në ditëlindjen e tij të 58-të. Për këtë datë ishte në dijeni edhe Gevorgian, i cili me këtë rast i bëri dhuratë vëllimin e 11 të vendimeve të marra në këtë gjykatë gjatë vitit 1935, i publikuar rishtas.
Nga ana tjetër, as kryeministri shqiptar nuk i shkoi duarthatë. Ai juristit i dhuroi simbolin e helmetës së Skënderbeut, duke i treguar se bëhet fjalë për heroin tonë kombëtar që i ka rezistuar perandorisë osmane.
Rama paraprakisht është takuar me presidentin e Gjykatës Penale Ndërkombëtare, Piotr Hofmański dhe me Kryeprokurorin e Gjykatës Penale Ndërkombëtare, Karim Khan.
