Disa ditë pas vrasjes së 33-vjeçarit Madrit Ulqinaku në Elbasan, policia ka arrestuar autorin e ngjarjes, 18-vjeçarin Horgito Peqini. Blutë e Elbasanit njoftojnë se është shoqëruar edhe Klaudjan Sallufi.
Më herët lidhur me këtë vrasje, është arrestuar Ejden Dino, një tjetër 18-vjeçar i cili ka qenë sëbashku me Peqinin dhe Sallufin mbrëmjen e ngjarjes. Për tre të rinjtë, gjykata e Elbasanit i ka caktuar masën e sigurisë arrest me burg.
Sipas dëshmisë së dhënë nga i riu Ejden Dino përpara togave të zeza, konflikti ka nisur për motive të dobëta. 18-vjeçari u shpreh se sëbashku me dy miqtë e tij, kishin konsumuar drogë dhe kishin dalë në rrugë, ku Horgito Peqini kishte dhe një armë tip pistoletë me vete.
Më tej, thotë në dëshminë e tij 18-vjeçari, të rinjtë u ndeshën në rrugë me Ulqinakun ku fillimisht kanë debatuar. “Çfarë ke që sheh”, ka qenë arsyeja e konfliktit sipas 18-vjeçarit Dino.
Pasi kanë debatuar, Peqini nxorri armën dhe e qëlloi nga prapa 33-vjeçarin Ulqinaku i cili i ishte drejtuar makinës së tij.
Ejden Dino u arrestua më 18 gusht, një ditë pas vrasjes. I riu u ndalua pranë banesës sa tij.
Njoftimi i policisë:
Vihet në pranga autori i vrasjes së Madrit Ulqinakut. Në pranga autori Horgito Peqini 18 vjeç. U shoqërua edhe një shtetas K.S, 33 vjeç që ishte bashkë me autorin e vrasjes. Po punohet për sqarimin e rrethanave duke bashkëpunuar me Prokurorinë e Rrethit Gjyqësor Elbasan. Sa të mbarojnë veprimet do keni komunikatë të plotë.