Një automjet i tipit “Mercedes Benz” ka marrë flakë mbrëmjen e së hënës në Durrës.
Mjeti ka qenë në lëvizje kur është përfshirë nga flakët. Në vendngjarje, pranë ish-kinemasë “14 Nëntori”, ka shkuar shërbimi zjarrfikës dhe policia vendore. Me ndërhyrjen e zjarrfikësve është shuar zjarri, prej të cilit është dëmtuar plotësisht mjeti.
Ndërkohë drejtuesi i tij ka mundur të dalë në kohë dhe pa lëndime. Paraprakisht deklarohet se shkak për shpërthimin e zjarrit është bërë një defekt teknik në pjesën e motorrit.
