Sekretari i Përgjithshëm i Këshillit të Ministrave Ëngjëll Agaçi, është marrë në pyetje nga Prokuroria e Posaçme SPAK pasditen e djeshme.
I pyetur nga gazetarët, Agaçi refuzoi të komentojë se për çfarë u pyet nga prokurorët, ndërkohë që të njëjtin qëndrim për koment mbajti edhe SPAK.
Ndaj zyrtarit të lartë të Kryeministrisë ka të paktën dy padi në Prokurorinë e Posaçme të dorëzuara nga Partia Demokratike dhe Partia e Lirisë.
Opozita e akuzon Agaçin si një prej personave kyç në çështjen e inceneratorëve.
Engëll Agaçi ishte gjithashtu një prej zyrtarëve të lartë të thirrur në Komisionin e Posaçëm Hetimor Parlamentar për Inceneratorët, ku dëshmoi përpara deputetëve për procedurat ku ai është përfshirë.
