Samiti i Frankofonisë që po mbahet në Tunizi ka bërë bashkë kryeministrin e Shqipërisë, Edi Rama dhe kryeministrin në largim të Malit të Zi, Dritan Abazoviq.
Rama ka ndarë një fotografi me Abazoviqin për të cilin thotë se është më i miri, njofton Klankosova.tv.
“Me ma t’mirin”, ka shkruar Rama në Facebook.
Pjesë e këtij samiti është edhe Presidentja e Kosovës, Vjosa Osmani.
Samiti i Frankofonisë për dy ditë do të mbledhë krerët e shteteve anëtare dhe anëtarëve të asociuar të Organizatës Ndërkombëtare të Frankofonisë për të diskutuar mbi sfidat e përbashkëta politike dhe ekonomike, forcimin e bashkëpunimit frankofon, avancimin e të drejtave të njeriut, arsimit, kulturës dhe demokracisë.
