Kryeministri Edi Rama ka mbledhur sot drejtuesit politik të Partisë Socialiste në qarqe. Në një prononcim për mediat pas mbledhjes, Rama është pyetur lidhur me zgjedhjet e ardhshme vendore, nëse i ka gati emrat e kandidatëve për bashkitë.
Kreu i qeverisë tha me batutë se më e rëndësishmja është që Partia Socialiste ka gati patronazhistët.
Pyetje: A i keni gati kandidatët për zgjedhjet?
Rama: Gati kemi patronazhistët kjo është më e rëndësishme. Konsultim me partinë nuk diskutohet se kemi parti jo çeta që mblidhen e shpërndahen sipas thirrjeve, me komunitetin përmes sondazheve që i kemi bërë praktikë të konsoliduar, edhe me opinionin e kryesisë.
