Kryetarja e Kuvendit Lindita Nikolla ka ndarë një mesazh ngushëllues për ndarjen nga këta të Papa Benediktit XVI.
Ajo thotë se kjo është një humbje e madhe për kishën katolike, Krishtërimin dhe qytetërimin! Nikolla shpreh mirënjohje për kontributin e tij në shërbim të besimtarëve, njerëzve, dashurisë, paqes, mirëkuptimit dhe humanizmit!
“Papa Benedict XVI u nda nga jeta! Një humbje e madhe për Kishën Katolike, Krishtërimin dhe qytetërimin! Mirënjohje për kontributin tetëvjeçar të Papa Benedict-it XVI në krye të Kishës Katolike, në shërbim të besimtarëve, njerëzve, dashurisë, paqes, mirëkuptimit dhe humanizmit!
Zoti i dhëntë pushim të përjetshëm dhe shkëlqimin e dritës eterne! U prehtë në paqe! Amen!”, shkruan Kryetarja e Kuvendit, Lindita Nikolla.
