Gazetari Artan Hoxha ka bërë me dije ditën e sotme se një numër i madh i forcave speciale kanë rrethuar vilën e Ervis Martinajt në Surrel, teksa brenda po kryhen kontrolle të imtësishme.
Gazetari shkruan se kontrollet po bëhen në kuadër të hetimit që SPAK po kryen ne lidhje me operacioni “Plumbi i Artë”.
Sipas tij prokuroria është vonuar për të ushtruar një kontroll në një nga ambientet ku “mbreti i lojërave të fatit” ka jetuar ditët e fundit.
Rikujtojmë që ditët e fundit të vitit të kaluar kontrolle u kryen në banesën e Martinajt në Fushë Kuqe, ku u gjet arsenal armësh dhe uniforma policie.
Ndërkohë, nuk dihet asgjë për fatin e Martinajt që nga gushti i vitit të kaluar.
“Me ne fund prokuroria, e ndau mendjen per te bastisur vilen e Vis Martinajt, qe ndodhet vetem disa metra larg baneses se kryeministrit Edi Rama ne Surrel.
Prej me shume se dy oresh, nje numer i madh i forcave speciale kane rrethuar vilen e Martinajt ne periferi te kryeqytetit, ndersa policia gjyqesore po kontrollon ne menyre te imtesishme cdo ambjent te saj. Vila e Martinajt, eshte e mbikqyrur nga nje sistem kamerash sigurie me rezolucion te larte, nderkohe ka dhe nje roje, i cili kujdeset per sigurine e saj.
Prokuroria dhe policia nuk kane dhene ende detaje ne lidhje me urdherin e bastisjes se viles dhe motivacionit te tij. Burime nga drejtuesit e aksionit ne Surrel, konfirmuan se, veprimet po kryhen ne kuader te hetimit te SPAK, ne lidhje me operacionin “Plumbi i arte”, i nisur pas deshmive te bashkepunetorit te drejtesise Nuredin Dumani.
Nuk dihet pse prokuroria eshte kujtuar kaq vone per te ushtruar kontroll, ne nje nga ambjentet ku Martinaj, ka jetuar gjate viteve te fundit. Pas kontrollit te ushtruar 10 dite me pare ne rezidencen e familjes Martinaj ne Fushe Kuqe, ky eshte kontrolli i dyte qe ushtrohet 5 muaj nga mbremja e 9 gushtit 2022, kur Ervis Martinaj u zhduk pa lene gjurme ne nje zone ne periferi te Durresit”, shkruan Hoxha.
