Policia e Vlorës ka njoftuar mbrëmjen sotme se ka arrestuar një 50-vjeçar me inicialet A.M.
Sipas bluve, arrestimi i tij erdhi pasi ka aksidentuar një 60-vjeçare dhe më pas është larguar nga vendi i ngjarjes.
Bëhet me dije se 60-vjeçarja është nën kujdesin e mjekëve, por jashtë rrezikut për jetën.
Njofimi i policisë:
Specialistët e Qarkullimit Rrugor në DVP Vlorë bënë arrestimin e shtetasit A. M., 50 vjeç, banues në Vlorë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Ky shtetas, në rrugën “Ali Demi”, duke drejtuar automjetin tip “Citroen”, ka aksidentuar këmbësoren, shtetasen V. H., 60 vjeçe, e cila aktualisht ndodhet në spitalin e Vlorës, jashtë rrezikut për jetën.
Drejtuesi i automjetit, shtetasi A. M, është larguar nga vendi i aksidentit, por u kap më pas nga shërbimet e Policisë.
