I ftuar në emisioni “Kjo Javë” me Nisida Tufën, fotografi Roland Rasho foli për profesionin e tij, të veçantat dhe vështirësitë gjatë rrugëtimit të tij.
Në bisedën me gazetaren Nisida Tufa, Raho ka ndarë momente të veçanta duke folur edhe për projektet e tij dhe ekspozita e realizuar së fundmi me fotografitë për shkrimtarët.
“Ne jemi rritur me pena të fuqishme, më lindi dëshira për të pasur portretet e tyre. Në 1998 fillova të fotografoja, fillimisht doja të më linin një firmë në një makinë shkrimi, por ajo hekur e ftohtë nuk kishte si të lihej firma.
E mendova në një karrige, dhe e marr karrigen nga shtëpia, filloj fotografinë dhe e firmosin. Së pari firmosi Kadareja dhe e ndjeva që do kishte sukses sepse e dija peshën, dhe në këtë mënyrë vazhdoi rrugëtimi”, ka treguar ai.
