Në një deklaratë për mediat pas protestës së organizuar nga opozita ndërkohë që në Kuvend zhvillohej seanca parlamentare, kryetari i Partisë Demokratike, Sali Berisha iu përgjigj pyetjes së gazetarit sa i takon vendimit për videot erotike.
“Ai aspekt është aspekti më i parëndësishëm,” – u shpreh kryedemokrati duke anashkaluar pyetjen.
Pikërisht sepse foli për këto video erotike, Berisha u përjashtua nga Kuvendi për 10 ditë.
“Aspekti me të cilin Edi Rama dhe jo vetëm ai, kërkojnë të mbulojnë këtë skandal të fshehur, atë çka ne jemi për një transparencë absolute, jemi për të gjitha ato çështje që unë ngrita këtu dhe që janë interes i çdo shqiptari në kuadër të skandalit McGonigal,” – shtoi Berisha.
