Nënkryetari i Partisë së Lirisë, Petrit Vasili thotë se po shkelet dhe dhunohet kushtetuta në rastin e mosngritjes së Komisionit Hetimor për çështjen “McGonigal”.
Me anë të një postimi në Facebook, Vasili citon Kushtetutën, sipas të cilës “Kuvendi është i detyruar te caktoje Komision hetimi”.
Vasili bën përgjegjës për këtë kryetaren e Kuvendit, Lindita Nikolla, për të cilën thotë se i shërben kryeministrit Rama.
“Kryetarja e Kuvendit si mund t’i lejoje vetes të bjerë në këtë batak dhe të bëhet ortake e shkeljes kaq të rëndë dhe mafioze të Kushtetutës, aq më shumë që ajo sipas kushtetutës është edhe figura e dytë në hierarkinë shtetërore të vendit”, shkruan Vasili.
