Qytetarët e Korçës kanë ndezur qirinj në sheshin e katedrales në nder të viktimave të aksidentit tragjik në Larisa të Greqisë.
Ndërkohë pritet që së bashku me konsullin e përgjithshëm grek në Korçë përfaqësues të autoriteteve shtetërore në orën 18:00 tek Sheshi i Katedrales do të ndezin qirinj në shenjë solidariteti për viktimat që humbën jetën nga kjo tragjedi, midis të cilëve pati edhe shqiptarë.
Pas kësaj të marshohet deri tek konsullata greke ku edhe atje do të ndizen qirinj dhe do të vendosen lule.
Kujtojmë që qeveria greke ka shpallur 3 ditë zi kombëtare. Po ashtu në Shqipëri por edhe në ambasadat në shtete të ndryshme, është ulur flamuri në gjysmë shtizë.
