Bileta e ndeshjes në stadiumin “Tomorri” është për shkak për një sherr të dhunshëm në Berat. Policia e Beratit njofton se përgjegjësi i stadiumit është konfliktuar me një qytetar. Ky i fundit ka tentuar të futet në stadium pa biletë dhe ka hasur në kundërshtimin e përgjegjësit.
Konfikti ka degarduar në dhunë fizike duke bërë që qytetari të lëndohet. Shtetasi S. K. është dërguar në spital dhe po merr ndihmë mjekësore.
Njoftimi i plotë:
Berat
Specialistët për Hetimin e Krimeve të Komisariatit të Policisë Berat referuan materialet në Prokurori dhe nisi procedimi në gjendje të lirë për shtetasit J. B., 59 vjeç, banues në Berat dhe S. K., 28 vjeç, banues në Bilç.
Procedimi penal ndaj këtyre shtetasi filloi pasi janë konfliktuar fizikisht më njëri-tjetrin, në ambientet e stadiumit “Tomorri”, për shkak se shtetasi J. B., me detyrë përgjegjës në stadiumin “Tomorri”, nuk e ka lejuar shtetasin S. K. që të futej në tribunë, pa biletën përkatëse. Si pasojë e konfliktit ka mbetur i dëmtuar shtetasi S. K., i cili është dërguar në spital, për ndihmë mjekësore.
Materialet i kaluan Prokurorisë pranë Gjykatës së Rrethit Gjyqësor Berat, për veprat penale “Goditja për shkak të detyrës” dhe “Plagosja e lehtë me dashje”.
