Kryetarja e parlamentit Lindita Nikolla ka reaguar në lidhje me sulmin me armë të ndodhur pas mesnatës ndaj Top Channel.
Nikolla në reagimin e saj kërkon nga organet e drejtësisë zbardhjen sa më shpejt të kësaj ngjarje ku ka humbur jetën një qytetar i pafajshëm.
“Sulmi me armë ndaj TV kombëtar “Top Channel” dhe vrasja e një prej personelit të sigurisë është një ngjarje e rëndë që kërkon veprim të menjëhershëm e profesional nga agjencitë ligjzbatuese.
Solidaritet për TV “Top Channel” dhe ngushëllime familjes Kola. Të zbardhet sa më shpejt kjo ngjarje kriminale!”, thuhet në reagimin e Nikollës.
