Ish-kryeministri Sali Berisha ka zhvilluar një vizitë në Kavajë gjatë ditës së sotme, ku ka uruar prej aty besimtarët myslimanë për Fiter Bajramin.
Përmes një postimi në Facebook, Berisha ka ndarë fotot gjatë takimeve të zhvilluara atje, ku i pranishëm ka qenë edhe deputeti Ervin Salianji dhe eksponentë të tjerë të PD-së lokale atje.
Berisha tha se Kavaja është cilësuar si “Meka e Demokracisë” dhe sipas tij, ky qytet nuk është tërhequr kurrë nga besimi në zot dhe liri, edhe gjatë kohës së diktaturës.
Reagimi i Berishës:
Të dashur miq,
Sot, nga Kavaja, urova të gjithë besimtarët myslimanë festën e Fitër Bajramit.
Ky qytet, i pagëzuar me emrin “Meka e demokracisë” dhe i njohur si simbol i besimit në Zot dhe liri, nuk u lëkund kurrë së besuari në Zot, as kur ai dënohej egërsisht nga diktatura, pasi shpirti i lirë i qytetarëve të Kavajës prevalonte mbi gjithçka. #sb
