Nxënësit e shkollës “Besëlidhja” shitën lule për të blerë libra për Bibliotekën e shkollës së tyre.
Të mbjella nga vetë ata, duke u kujdesur për çdo detaj, që nga vazot e ricikluara e deri tek mbjellja, kjo është një traditë e përvitshme.
Prej 9 vitesh këta nxënës prezantojnë gjithçka që ka të bëjë me edukimin e tyre, ndaj punën e bëjnë me dashuri.
Organizatorja Lulzime Celami thotë se kjo shkon për edukimin e fëmijëve dhe zbukuron qytetin.
Të shumtë ishin dhe qytetarët, të cilët iu bashkuan nismës së fëmijëve, duke blerë lule.
Panairit iu bashkua dhe një mike speciale për fëmijët, moderatorja e “Ftesë në 5” Bieta Sulo, e cila është bërë pjesë që prej fillimit të procesit të mbjelljes së luleve.
Nisur si një aktivitet i një klase të vetme, tashmë është përfshirë e gjithë shkolla, duke bërë që deri tani të numërohen më shumë se 200 tituj librash të blerë.
