2 Jet Ski dhe 1 gomone janë bllokuar në kuadër të kontrolleve të njëpasnjëshme nga Policia Kufitare përgjatë gjithë vijës bregdetare në Vlorë, Dhërmi dhe Sarandë.
Kjo me qëllim për rritjen e parametrave të sigurisë gjatë sezonit turistik.
Secili nga drejtuesit e tyre u ndëshkua me masë administrative 10 000 lekë të rinj, për mospajisjen me dokumentacionin e nevojshëm për lundrim.
3 mjetet lundruese u bllokuan deri në shlyerjen e masave administrative dhe pajisjen e drejtuesve, me dokumentacionin përkatës, bën me dije policia.