Deputeti i Partisë së Lirisë, Petrit Vasili ka reaguar pas vendimit të qeverisë për të legalizuar kultivimin e kanabisit në Shqipëri.
Vasili është shprehur se çdo shqiptar, qytetar i thjeshtë, intelektual, njeri i medias apo bisnesmen duhet të kuptojë se legalizimi i drogës është goditja më e tmerrshme për jetën, shëndetin dhe vete ekzistencën e vendit.
Postimi:
"Rama i mbytur ne droge legalizon drogen, duke vrare jeten,shendetin dhe shtetin!
Çdo shqiptar, qytetar i thjeshte, intelektual, njeri i medias apo bisnesmen duhet te kuptoje se legalizimi i droges eshte goditja me e tmerrshme per jeten, shendetin dhe vete ekzistencen e vendit
Situata kritike me drogen, narkotrafikun dhe Ramen e rilindjen te bere njesh me te kerkon te kunderten, pra beteje kundra droges, reagim qytetar dhe mospajtim civil masiv.
Askush nuk mund te jete i qete ne familjen e tij, e cila do te goditet ne nje menyre apo tjetren nga legalizimi i droges si nje akt kriminal me pasoja te shumanshme.
Legalizimi per gjoja qellime shendetesore eshte nje alibi e neveritshme ne favor te narkotrafikut dhe nje vrastare e pameshirshme e shendetit vecanerisht per mijra e mijra te rinj.
Qellimi i legalizimit eshte vetem nje: hapja nga Rama dhe qeveria e autostradave per narkotrafikun pa fre, pa kontroll duke legalizuar shnderrimin perfundimtar te Shqiperise ne narkoshtet."