Menxherët e 3 lokaleve në Sarandë janë proceduar penalisht, pas kontrollit të bërë nga policia për të parandaluar ndotjen akustike.
Gjatë kontrolleve të tyre janë konstatuar në paligjshmëri 3 subjekte, në Ksamil dhe në Sarandë.
Për këtë arsye 3 menaxherët e subjekteve që prishën qetësinë publike duke vendosur muzikë të lartë, pas orarit të lejuar.
Gjithashtu sipas njoftimit të policisë janë sekuestruar pajisjet që gjeneronin muzikën.
E. M., 29 vjeç, A. B., 18 vjeç. dhe Th. P., 44 vjeç, do të procedohen në gjendje të lirë për veprën penale “Prishja e qetësisë publike”.
“Shërbimet e komisariateve të Policisë Sarandë, si rezultat i kontrolleve gjatë natës, për parandalimin e shqetësimit të qytetarëve dhe pushuesve, nga ndotja akustike që vjen si pasojë e muzikës së lartë në subjekte të ndryshme argëtimi, kanë konstatuar 3 raste të tjera të kësaj paligjshmërie.
Në 3 lokale, në Sarandë dhe në Ksamil, shërbimet e Policisë kanë konstatuar muzikë të lartë në tejkalim të orarit të përcaktuar.
Në vijim të veprimeve procedurale për këtë rast, specialistët për Hetimin e Krimeve të Komisariatit të Policisë Sarandë referuan materialet në Prokurori ku nisi procedimi në gjendje të lirë, për 3 menaxherët e këtyre subjekteve, shtetasit E. M., 29 vjeç, A. B., 18 vjeç. dhe Th. P., 44 vjeç, për veprën penale “Prishja e qetësisë publike”.
Për të trija rastet u sekuestruan në cilësinë e provës materiale pajisjet që gjeneronin muzikën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme”,-thuhet në njoftimin e policisë.
