Detaje të reja kanë dalë në dritë nga atentati i një dite më parë në Larushk të Krujës, ku objektiv ishte Gentjan Bejtja, por u vra kunati i tij dhe mbetën të plagosur dy fëmijët.
13-vjeçari ndodhet në gjendje të rëndë në spital që prej ditës së djeshme, ndërsa policia po heton në disa pista.
Mosmarrëveshje mes grupit kriminal, apo hakmarrja për një ngjarje te pazbuluar ku objektivi mund të ishte i përfshirë janë disa nga pistat që dyshohet se lidhen me atentatin.
Sipas gazetares Dorjana Bezat, Bejtja kishte disa ditë që ishte kthyer nga jashtë, pasi dy shtetet evropiane i kishin refuzuar kërkesën për azil.
Makina e cila u gjet e djegur me tre kallashnikovë brenda, në Tapizë që dyshohet të jetë e autorëve, rezulton të jetë e vjedhur në Tiranë.
