Gjykata e Apelit ka dhënë sot vendimin me 28 vite burg për Agron Tanushin, i cili vrau me pushkë në sy të vajzës 8-vjeçare, kunatën e tij Jetmira Hasanin.
Familjarët e të ndjerës të cilët kërkonin dënim maksimal dhanë një deklaratë për mediat.
Nëna e Jetmirës, u shpreh se autorit i duhej dhënë dënimi i përjetshëm, pasi në momentin që do dalë nga burgu, do i vrasë dhe ato.
"Shteti ta dënojë përjetë, kemi frikë. Ai na shau në gjykatë, një herë na vrau....Ky në rrugë na shante, tani ca të bëjmë ne? Ta vrasim? Doli Dan Hutra, vrau disa, a kështu do bëjmë dhe ne? Unë nuk i kërkoj gjë shtetit, e vras. Janë ngjarje që nuk kanë si të jenë ndryshe. Ai dënohet 28 vite. Ne thamë të gjitha gjërat që ai ka bërë. Nëse mundem ia jap unë dënimin, po ai është më i zoti, se është mësuar të vrasë."
