Një aksident i rëndë ka ndodhur në aksin Librazhd-Prrenjas paraditen e kësaj të hëne. Korrenspodentja e Euronews Albania, bën me dije se një makinë të tipit “Land Rover” është përplasur më një kamion.
Si pasojë e aksidentit kanë mbetur të lënduar 3 fëmijë të cilët kanë qenë në “Land Rover”.
Dy ambulanca kanë transportuar në spitalin e Librazhdit fëmijët, të cilët po marrin kujdesin e nevojshëm mjekësor.
Deri më tani nuk ka informacione rreth gjendjes së tyre, por dëshmitarët në vendngjarje kanë bërë me dije se fëmijët kanë qenë në pjesën e pasme të makinës dhe nuk e kishin të vendosur rripin e sigurimit.
