Një 46-vjeçar në Lushnjë është vënë në pranga, pasi dyshohet se ka vjedhur një shumë parash në një banesë.
Denoncimin e ka bërë shtetasi H.P, ku sipas tij banesa e tij ishte grabitur.
46-vjeçari B.B u identifikua menjëherë dhe u bë e mundur kapja e tij. Në momentin e arrestimit, atij iu gjetën dhe iu sekuestruan në cilësinë e provës materiale, shuma e parave të vjedhura dhe një sasi e vogël lënde e dyshuar narkotike cannabis sativa.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
