Kreu i Partisë së Lirisë, Ilir Meta gjatë takimit me strukturat e partisë së tij nga Elbasani sulmoi qeverinë ‘Rama’.
Ai tha se korrupsioni është prioritet i kësaj qeverie, duke risjellë në vëmendje disa problematika. Mes të tjerash Meta tha se zëri i qytetarët duhet të rritet dhe të rritet po ashtu edhe presioni ndaj qeverisë.
“Jam i bindur se duke ecur me këtë axhendë që ju keni për të rivendosur llogaridhënien. Duhet të dëgjohet zëri i qytetarëve dhe të rritet presioni. Elbasani është qarku i dytë më i varfër në Shqipëri.
Por sot është i braktisur. Në 14 maj, siç e përmendi dhe Haxhinasto, i dimë ato fenomene minuese të procesit zgjedhor, që i ka përshkruar dhe misioni i OHDIR, që nga përdorimi i burimeve të administratës, apo përdorimi i të dhënave personale, për intimidimin e tyre, kontrolli i votës dhe shumë fenomene të tjera. Zëri juaj nuk është i barabartë me ato të këshilltarëve të tjerë, pasi përfaqësoni më tepër. Lekët për arsimin, shkojnë te inceneratorët, për pagesat e tyre, Korrupsioni është prioritet i parë i kësaj qeverie.”, tha Meta.
