Një ngjarje e rëndë tronditi Postribën një ditë më parë. Musa Bajraktari u qëllua për vdekje me sëpatë në kokë nga bashkëfshatari i tij duke gjetur vdekjen e menjëhershme.
Fillimisht u dyshua që 69-vjeçari Bajraktari kishte humbur jetën nga shkaqe natyrale pasi u gjet në një kanal pranë rrugës nga banorët ndërsa pas ekzaminimeve nga policia rezultoi të vdekje e shkaktuar nga goditjet me sende të forta. Hetuesit, vlerësuan se kemi të bëjmë më një vrasje.
Autori i dyshuar i kësaj ngjarjeje është Xhemal Zeqiri, fqinj me viktimën. Pas zbardhjes së ngjarjes, Zeqiri është arrestuar nga policia e Shkodrës . Ngjarja dyshohet të ketë ndodhur për motive të dobëta.
E gjithë zona është e tronditur nga kjo ngjarje.
Musa Bajraktari gëzonte një reputacion shumë të mirë në zonë ndërsa shokët e kanë të pamundur të flasin për media.
Ndërsa në shtëpinë e autorit është vendosur një patrullë policie, për të shmangur një rast të një hakmarrje të mundshme.
