Një 62-vjeçar në Fier ka rënë në pranga e policisë pasi ka ndezur zjarr për djegien e mbeturinave, por flakët janë përhapur me shpejtësi dhe për pasojë janë djegur 22 hektarë tokë dhe 500 rrënjë ullinj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Drejtoria Vendore e Policisë Fier apelon për qytetarët që në asnjë rast të mos ndezin zjarre.
Pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.
