Këtë të enjte, studentët e vitit të parë të fakultetit të mjekësisë, kanë protestuar përpara godinës së kuqe në QSUT, për të treguar pozicionin e tyre.
Ata hodhën poshtë zërat se viti i parë është në auditorë.
Studentët thanë se tashmë janë në të njëjtën pozitë me vitet e tjera pasi ende nuk janë vënë para një kontrate sikundër ligji e parashikon.
Studentët kanë paralajmëruar se do të vijojnë protestat, deri në anulimin e ligjit, që i detyron ata të punojnë aty ku sistemi i cakton për 5 vite pas përfundimit të studimeve.
