Një 28-vjeçar që ka thyer masën e sigurisë “arrest në shtëpi” në Tiranë, është vënë nën prangat e policisë.
Gjykata i kishte caktuar masën “arrest në shtëpi”, për veprën penale “Prodhimi dhe shitja e narkotikëve”. Ai është kapur jashtë shtëpisë së tij, ku gjatë kontrollit fizik dhe kontrollit në ambientet e banesës u gjetën dhe sekuestruan doza lënde të dyshuara narkotike kanabis dhe kokainë.
Gjithashtu, gjatë kontrollit të celularit të tij, u gjetën faqe që shërbejnë për vënien e basteve sportive.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
