Të gjitha këto punime Dritan Oneja i ka realizuar me dorë. Në Sarandë njihet si artizani i guackave. Duke i punuar ato krijon suvenirë të ndryshëm që preferohen shume nga blerësit.
Nga koha kur nisi të punonte guackat kanë kaluar plot 27 vite. Duarartë është edhe për qeleshet. Zanatin e ka mësuar nga një mjeshtër shkodran. Dritani tregon se puna për qeleshet është e ndërlikuar dhe gjithë procesi zgjat disa orë.
Në tezgën që është vendosur në shëtitoren e Sarandës ka ekspozuar edhe disa qilima.
Te gjitha janë me motive te traditës. Punimet e tij tërheqin vëmendjen e shqiptarëve dhe të huajve të cilët nuk dalin kurrë duarbosh. Qeleshja e jugut është produkti që po prodhon dhe shet më shumë në periudhën e festave. Dritanin kjo punë e përmbush shpirtërisht por sigurisht edhe përfitimet monetare janë të kënaqshme.
