Kreu i Partisë së Lirisë, Ilir Meta ka uruar shqiptarët për Vitin e Ri 2024 përmes një mesazhi në Facebook.
Meta shkruan se duhet ta lëmë pas 2023-in duke qenë krenar për çdo vështirësi që kaluam, ndërsa fton të gjithë të ndezin bashkë një shpresë të re.
Në mesazhin e tij, kreu i PL-së tregon se është mirënjohës për suksese dhe mësimet e fituara në jetë dhe në punë.
Reagimi:
Të dashur miq!
Në këtë natë ndërrimi të viteve, le ta lëmë pas vitin 2023 duke qenë falenderues për çdo moment që kemi patur fatin të kalojmë me familjen dhe njerëzit e dashur.
Mirënjohës për gjërat e mira dhe sukseset e festuara, po aq sa për mësimet e fituara në jetë apo në punë;
Duke qenë krenarë për çdo vështirësi me të cilën jeni përballur me dinjitet;
Le të ndezim bashkërisht një shpresë të re dhe të madhe, drita e së cilës do të ndriçojë përgjatë vitit të ri dhe do të jetë udhërrëfyes për Shqipërinë e të ardhmes më të mirë.
Gëzuar Vitin e Ri 2024! Urimet më të mira nga zemra të gjithë shqiptarëve.
