Artan Hoxha ka qenë i ftuar në një emision televiziv, ku zbuloi se një 19 vjeçar shqiptar ka vrarë një prej mafiozëve më të mëdhenj të Irakut, Mustafa Alxhiburi.
19 vjeçari shqiptar, Xhuljani Prenga, i cili jetonte në Suedi, ka udhëtuar drejt Bagdadit për të kryer vrasjen.
Sipas Hoxhës, bëhet fjalë për një përplasje mes bandave për kontrollin e trafikut të drogës në Suedi, organizata të cilat e kanë bërë Suedinë një vend të pasigurt.
"Grupet shqiptare janë ndërkombëtarizuar dhe janë shpërndarë, kanë shtrirje dhe ekspozim të madh në pjesët kryesore të planetit.Kur më njoftuan mu duk e pabesueshme.
Një mik nga Turqia po ndiqte lajme dhe ndërpritet emisioni, futet flash lajmi, që është vrarë Mustafa Alxhiburi, i njohur me nofkën "Benzema", personazh i njohur i një organizate Foxtrot, që bëri edhe Suedinë një nga vendet më të pasigurta. Lufta që zhvillohet në Suedi bëhet për kontrollin e narkotikëve të rënda, kokaina dhe ka qenë motivi kryesor i kësaj beteje.
Kjo organizatë ka patur në drejtim tre personazhe, “dhelprat e Kurdistanit”. Këta janë shtetas kurdë, që kanë jetuar në Suedi, kanë marrë shtetësi suedeze, janë rritur atje, janë infiltruar në kriminalitetin suedez dhe mori kontrollin e trafikut të kokainës. Kjo organizatë e madhe rekrutonte fëmijë nga komunitete emigrantësh. Në këtë sipërmarrje është përfshirë edhe një i ri që vjen nga fshati Gjegjan, Xhuljani Prenga. Familja e tij ka vajtur në Suedi për shkak të hasmërisë. Xhuljano ka jetuar me nënë dhe motrën, sepse prindërit janë divorcuar. Elementi i parë që u dyshua se është shqiptar kanë qenë tatuazhet. Jeton në një qytet të vogël, në periferi të Stockholm. Ka dy vëllezër të tjerë. Janë të gjitha me dokumenta suedeze".