Kreu i PD Lulzim Basha zhvilloi sot një konferencë me gazetarët, ku foli për situatën politike në vend, “Vettingun”, përplasjet në PD, duke u ndalur edhe tek Reforma Zgjedhore.
I pyetur nga gazetarët nëse do të bashkojë votat me PS për Reformën Zgjedhore, kryetari i PD Lulzim Basha tha se do të votojë çdo projekt që e konsideron pjesë të interesit publik.
“Përgjigja është shumë e thjeshtë PD do të votojë çdo projekt të propozimit të vetë publik që e konsideron pjesë të interesit publik që është’ listat e hapura, Shqipëria një zonë elektorale, votimin dhe numërim elektronik dhe vota e diasporës.
Vota për Reformën Zgjedhore që të jetë i suksesshëm nuk duhet të jetë i një partie. Të bëjmë një debat publik, mos të merremi me e lagu se lagu bishtin dhia. Çështja themelore është të shpalosim qëndrimet”, tha Basha.
