Seanca e Kuvendit të Shqipërisë është shoqëruar sot me tension pasi deputetët e opozitës, pjesë e grupimit të Sali Berishës, kanë bllokuar foltoren e Kuvendit.
Duke mbajtur pankarta në duar deputetët nuk kanë lejuar zhvillimin e seancës normale.
Nën zhurmën e bilbilave, kryetarja e Kuvendit Lindita Nikolla kaloi direkt në votimin e pikave të rendit të ditës.
Deputetja e Partisë Demokratike, Albana Vokshi, tentoi të shkonte drejt kryeministrit Rama me një pankartë në duar, ku shkruhej “Vrasësi i demokracisë”.
U desh ndërhyrja e Gardës që të normalizonte situatën.
Ndërkohë që seanca u mbyll brenda pak minutash, pas votimit të projektligjeve nga mazhoranca.
