Nesër Kuvendi "ku thërret qameti", nga mandati i Xhaçkës tek 'Dezinformimi', ja çfarë pritet të ndodhë në seancë

Shqipëria

Nesër Kuvendi "ku thërret qameti", nga mandati i Xhaçkës tek 'Dezinformimi', ja çfarë pritet të ndodhë në seancë

Më: 10 prill 2024 Në ora: 10:41
Në Parlament shkon raporti i opozitës dhe mazhorancës, shumicës dhe pakicës.

Debate të forta priten këtë të enjte në seancën plenarë të Kuvendit të Shqipërisë, teksa në rendin e ditës është vendosur projektvendimi për mandatin e deputetes socialiste Olta Xhaçka me propozim të “Rithemelimit”.

Në Parlament shkon raporti i opozitës dhe mazhorancës, shumicës dhe pakicës.

Në seancën e 11 prillit shkon për votim edhe ngritja e Komisionit të Posaçëm për influencën ruse, ndryshe komisioni “Për të koordinuar dhe mbikëqyrur të gjitha veprimet institucionale për të luftuar dezinformimin dhe format e tjera të ndërhyrjes së huaj në proceset demokratike të vendit”.

Komisioni ka objekt të veprimtarisë së tij të nxisë identifikimin e ndërhyrjes së huaj në proceset demokratike përmes një sërë formash, duke përfshirë mediet dhe rrjetet sociale, mbështetjen financiare të aktorëve publikë dhe të shoqërisë civile.

Komisioni përbëhet nga 11 anëtarë që përfaqësojnë të gjitha grupet parlamentare dhe drejtohet nga përfaqësuesi i shumicës parlamentare. 

commentFirst article
Sot mund të lexoni Shfletoni kopertinat